Cejna Cimaya Hacalî di roja duyemîn de tê pîrozkirin. Di roja yekemîn de gelek kesî serdana mizgargeha Hacalî kirin, xêr belav kirin û govend gerandin. Pîrozbahiya cejnê îro jî bi rê û resmên olî dewam kir.

Micêwirê Qubê Pîr Hecî li ser rê û resmên cemayê axivî û got, "Civaka Êzidî gelek xêran dikin û tînin ber vê qubeya Hacalî. Em jî xizmetê ji gelê xwe re dikin. Her kesê dixwaze xêrekê bike li ber qubeyê belav dike. Keç û xort jî bi hev re dîlanê digerînin."

Xezal Êzdîn jî ku beşdarî pîrozbahiyê bû kêfxweşiya xwe anî ziman û diyar kir ku ji bo wan gelekî girîng e li ser xaka xwe li gel dost û hevalên xwe cejna cimayê pîroz dikin.

Xêro Xelef jî cejna Cimayê li tevahiya Êzidiyan pîroz kir û got, "Meha Tebaxê ji bo me rojeke reş jî bie em xwedî îrade ne û hemû rojên xwe bi wate dikin.