Hate ragihandin ku li gorî dema herêmê saet di 10:30'î de gelek balafiran bombe li gundên herêmên Qendîl, Pişder û Asosê barandine.

Çavkaniyên xwecihî diyar kirin ku gundên Xezne û Koye û Geliyê Balayan, çiyayê Bêrimke, çiyayê Ehmede yê li pêşberî Zînî Wertê, gundê Sêweysê yê li herêma Pişderê û Serkepkanê hatine bombekirin.

Li ser bombekirina gundên Asosê agahî bi dest neketin. Nayê zanîn ku ji ber bombardûmanê tiştek bi kesî hatiye yan na. Dewleta Tirk bi rêk û pêk bombeyan li gund û binesaziya sivîl a li herêmê dibarînin. Daneyên cidî hatin belavkirin ku mehên dawî li dijî gerîla çekên kîmyewî têne bikaranîn.