Pêngava Nalîn Mûş û Bedran Gundikremo ya gerîlayên HPG'ê dewam dike. Bi taybetî li bejahiya navçeya Şemzînan a Colemêrgê, artêşa Tirk li pêşberî gerîla gelek kuştî daye.

Çavkaniyên herêmî dibêjin, ji ber hejmareke zêde ya kuştiyên artêşa Tirk ên dema dawî, zext û zordarî li gundiyan tên kirin û gundî tên binçavkirin.

Li gorî agahiyan, li Serorov a li bejahiya Şemzînanê, di dema derbasbûna wesayiteke sivîl de, lastîkekî vê wesayitê ji cih derket û teqiya. Tîmên taybet ên li herêmê jî dengê teqîna lastîkê wesayitê weke dengê bombeyê fêhm kirin û yekser çekên xwe avêtin û ji çeperan reviyan. Tîmên taybet, tevî ku bi rastiya bûyerê hesiyan jî, demeke dirêj li çeperên xwe venegeriyan.