Li Xoya Rojhilatê Kurdistanê erd hejiya û ji ber vê erdhejê li Elbaka Wanê jî 10 kes miribûn. 9 roj ji ser vê erdhejê derbas bû. Erdhejzedeyan jin û zarokên xwe şandin navenda Wanê û li gundan jî hindik kes dimînin. Li gundan erdhejzedeyan mexdûr in û dixwazin ku alîkarî bi wan were kirin. Ji ber ku gundiyan nerazîbûn nîşanî walî û jendirmeyan da, parlementerê AKP’ê Wanê Abdulhalat Arvas got, “Em ê lêxin û herin. Hûn ê jî di vî halê xwe de bimînin.”

KONÊN JI BO HAVÎNÊ BELAV KIRIN!

Li gundên Ozpinar û Gelenlerê rojê bi tenê carekê xwarin tê belavkirin û konên ji bo havînê dane gel. Erdhejzede Fatîh Acar diyar kir ku ev kon li hemberî sar û sermayê gelekî qels e. Acar bal kişand ser vî tiştî, ji ber ku rojê bi tenê carekê xwarin tê belavkirin wî hevjîn û zarokê xwe şandiye Wanê.

Erdhejzede Raîf Demîrîz jî diyar kir ku heywanên wî telef bûne û xisara wî gelek e. Demîrîz bal kişand ser vî tiştî ku konê hatine belavkirin bi kêrî wan nayê û xwest ku alîkariyên tên kirin, bila neyên astengkirin.

Parlementera HDP’ê ya Wanê Mûazzez Orhan jî diyar kir ku alîkariyên ew dişîne tên astengkirin û bal kişand ser vî tiştî ku pênc roj in divê pêdiviyên lezgîn werin bicihanîn lê ev tişt hê jî nehatiye kirin.