Suleyman Aksû yê mamosteyê Ingilizî ku 2015’an li navçeya Pirsûs a Rihayê di nav komkujiyê de hatibû kuştin, şevê dî li goristana navçeya Geverê ya Colemêrgê êrîş bi ser gora wî de birin.

Kevirê li ser gora Aksû ku nav û wêneyê wî li ser bû hate şikandin.

Gora Aksû ku li Goristana Ormanê hatibû veşartin, 6’ê Îlonê (duh) hatibû çêkirin. 29’ê Nîsanê POH a girêdayî AKP’ê êrîş biribû ser goristanê, gelek gor xira kiribûn û li ser wan ‘Leş’ (‘kelaş’) nivîsîbûn.

Polîs û leşkerên Tirk beriya niha jî gelek caran êrîş bi ser goran de biribûn, bi fermana Erdogan goristan hatibûn xirakirin.