Di 24’ê Nîsanê sala 1974’an de ji aliyê balafirên rejîma Baas ve Zanîngeha Qeledizê hat bombebaran kirin û di endama bombebaranê de zêdeyî 467 welatî şehîd û birîndar bûn. Tevgera Azadî ya Civaka Kurdistanê (Tevgera Azadî) bi boneya 48’emîn salevegera bombebaran Qeledizê serdana Abîdeya Şehîdên Qeledizê kir û kesên di encama bombebaranê de şehîd bûne bîranîn.

Endamê Meclîsa Tevgera Azadî ya herêma Raperînê Îdrîs Abdullah axivî û diyar kir ku heta niha jî şopên vê karasatê li ser xelkê bajarok maye û got: “Di demekî ku em bîranîna van şehîdan dikin, dewleta Tirk a faşîst û dagirker bi hevkariya hêzek berjewendîxwaz û noker êrîşî Kurdistanê û çeperên gerîlayên azadiya Kurdistanê dike. Ji bo desthilatdaran şermezariye. Divê malbatên serbilind ên şehîdan û welatiyên dilsoz û çavnetirsiyayî rê nedin êdî kesên talakar lîstikê bi çarenivîs û pîroziyên me bikin.”