Li gundê Bana yê girêdayî navçeya Basa ya Şirnexê dorpêça leşkêrî didome. Gundiyên ku pezê wan ji gund hatiye derxistin, ji ber qedexeyê nikarin biçin bax û baxçeyên xwe av bidin. Çend roj beriya niha di encama bombardimanê de zeviyên gundiyan ên birinc û fêkiyan hatibûn şewitandin. Şandeya ku  parlementera Partiya Çepên Kesk a Şirnexê Newroz Uysal Aslan, rêxistinên partiyê yên navend û navçeyan di nav de serdana gundiyan kirin.

Di serdanê de gundiyan ji şandeyê daxwaz kir ku ev dorpêça li ser gundê wan bi dawî bibe û ji Komeleyên Mafên Mirovan banga hestiyariyê kirin. Hate diyarkirin ku di rojên pêş de dê şande rapora xwe ya têkîldarî gund amade bike û parve bike.