16 sal û 11 meh cezayê girtîgehê li Îdrîs Balûken hate birîn
Di doza Parlamenterê Amedê yê HDP'yî Îdrîs Balûken de ku bi îdîaya "endametiya rêxistinê" tê darizandin 16 sal û 11 meh cezayê girtîgehê lê hate birîn.
Parlamenterê Amedê yê HDP'yî û endamê Heyeta Îmraliyê Îdrîs Balûken, 4'ê Mijdara 2016'an hatibû binçavkirin û girtin. Doza bi îdîaya "endametiya rêxistinê" lê hate vekirin 14 mehan dewam kir. Îro jî rûniştina 7. a dozê li 8. Dadgeha Cezayê Giran a Amedê pêk hat.
Dadgeriya Tirk di rûniştina îro ya dozê de 16 sal û 11 meh cezayê girtîgehê li Balûken birî.
