Endamê Koma Aştiyê Mehmet Şîrîn Tûnç ê ku Alîkarê Serokatiya Giştî ya DBP’ê ye, ji ber xebatên DBP’ê û Kongreya Civaka Demokratîk doz lê hatibû vekirin. Rûniştina dozê li Dadgeha Cezayê Giran a 8’emîn a Amedê hate kirin.

Dozger çûna Tûnç a derveyî welat û tevlîbûna Desteya Giştî ya KCD’ê wekî sûc dît. Dozger ji bo Tûnç 7 sal û 6 mehan heta 15 salan cezayê girtîgehê xwest.

Heyetê qebûl kir ku heta rûniştina pêş parastin were amadekirin û daxwaza rakirina kontrola edlî red kir û rûniştin taloqî 15’ê Mijdarê kir.