Di çarçoveya van hewldanan de jinan di bin sîwana Kongreya Star de civîna piştgiriyê û biryardariya Kongreya Neteweyî ya Kurdistanê li dar xistin.

Civîna jinan li Navenda Mehemed Şêxo ya Çand û Hunerê hate lidarxistin. Civîna ku deqeyeke rêzgirtinê ya ji bo bîranîna şehîdan dest pê kir, bi dehan jin ji sazıyên cuda, Rêxistin û Partiyên  cûda  tevlî bûn. Her wiha nûnerên Partiya Lîberal, Partî Dîmokrata Kurdistanê, Partiya Aştî  û Partiya Niştîman jî tevli civînê bûn.

Di civînê de hat ziman ku ji bo lidarxistina Kongreya Neteweyî li hemû bajarên Bakurê Sûriyeyê û her sê parçeyêyên Kurdistanê wê hewldan û israra jinan a bidome.

Berdevka Qada Civakî Gulîstan Elî li vir axivî û bal kişand ser asta ku jin piştî şoreşê gihîtinê. Gulîstanê Elî got: "Îro dîrok bi gavên mezin xwe nû dike û tê nivîsandin. Hemû cîhan berxwedana jinê ya li Bakurê Sûriyeyê dişopîne."

Di civînê de jinan ji bo Kongreya Neteweyî ya Kurdistanê gelek pêşniyar kirin û diyar kirin ku wê hewldanên wan ên ji bo Kongreya Neteweyî ya Kurdistanê dewam bikin.