Tevgera Jinên Azad (TJA) ji bo salvegera Komkujiya Parîsê daxuyaniyeke niviskî da.

Di daxuyaniyê de hate gotin li dijî jinên pêşeng ku xeta berxwedaniya rêxistinî qeyîm dikin, jiyana azad û wekhev ava dikin ji dîrokê û vir ve bi helwesta hevpar a baviksalariyê bi sedan komkujî û suîkast hatine kirin, komkujiya 9'ê Çile ya 2013'an  a li Parîsê ya li ser sê jinên Kurd ên şoreşger Sakîne Cansiz, Fîdan Dogan û Leyla Şaylamez bi bîr xist û got, komkujî, 'mîna rojeke reş li rûpela dîroka Kurdan û dîroka jinan zêde bûye, her wiha têkoşîna jinan a li dijî hişmendiya zilamê serwer û têkoşîna ji bo jiyana azad û wekhev geş kirine.''

SÊ JIN HATIN BIBÎRANÎN

Bi berdewamî di daxuyaniyê de derbarê yek ji qedroya pêşeng a PKK'ê Sakîne Cansiz hate gotin, ''Li dijî hişmendiya baviksalarî ya feodal ku dixwaze jinê bike kole, xwîna wê bimeje û tinehesibandinê nasnameya jina azad ava kiriye.''

Derbarê Fîdan Dogan, nûnera KNK'ê ya li Parîsê jî hate gotin,''Hewl daye ku têkoşîna azadiyê ya gelê Kurd û jinan ji hemû cihanê re vebêje.''

Derbarê endama Tevgera Ciwanan Leyla Şaylemez jî hate gotin, ''Li navenda kapîtalîzmê bûye giyanê ciwan ê jiyana demokratîk.''

Di daxuyaniyê de Sêvê Demîr, Pakîz Nayir û Fatma Uyar ku 4'ê Çile ya 2016'an ji hêla dewleta Tirk ve li Silopyayê hatibûne qetilkirin, hatin bibîranî û hate gotin,''Qetilkirina wan encama domdariya polîtîkayên bi dijminatî ya li dijî îdeolojiya azadî û wekheviyê ya jinê ye.''

'EM Ê LI SER RÊYA WAN BIMEŞIN'

TJA'yê herî dawî got, ''Hemû jinên şoreşger ku li Kurdistanê li ber xwe didin, li ser rêya hevrê Sara, Rojbîn û Ronahî dimeşin û bi domdarî tarîtiyan ronî dikin. Em ê jî li ser rêya Sarayan bimeşin û 9'ê Çile ji bîr nekin û nedin ji bîr kirin.  Em hevrê Sara, Rojbîn û Ronahî bi hezkirin, bîrîkirin û minetdarî bi bîr tînin. Em bang li hemû jinan û gelê Kurd dikin ku 9'ê Çile, Roja Çalakiya Hevpar Navnetewî ya li dijî Kuştinên Jinan ên Siyasî, di dozê de û di bernameyên bibîranînê de bi berpiryariya dîrokî rabin.''