Jinên Rihayî, tevî êrîşa polîsên Tirk jî, 8'ê Adarê Roja Jinên Kedkar ên Cîhanê pîroz kirin.

Bi pêşengiya Platforma Jinan a Bajarê Rihayê, jinên xwestin 8'ê Adarê pîroz bikin li Parka Alî Şellî civiyan û dest bi meşê kirin. Lê belê li êrîşa polîsan rast hatin. Bi hinceta pankarta li derveyî qanûnan polîsan dest li çalakiyê werdan û 2 jê zarok 3 kes kirin binçavan. Bi sedan jinên nerazîbûn nîşanî vê dan, Xaçerêya Ataturk ji her du aliyan ve li çûn û hatinê girtin û çalakiya rûniştinê pêk anîn. Piştî nîv saetê jinan benda polîsan hilweşandin û ber bi Meydana Topçû ve meşiyan.

Li vê meydanê li ser navê Platforma Jinan daxuyanî hat dayîn û piştre jinên beşdarî çalakiyê bûn li ber stranên hunermendên herêmî govend gerandin.