Bi Wanê bi sedan jinên hatin cem hev qetilkirina Ozgecan Aslan protesto kirin.

Jinên li ber Navenda Jiyan a Jinan a Wanê hatin cem hev  dovîz û pankartên ‘Em ne di şînê de di serhildanê de ne, Têkoşîn Ozgecaneke, Mêr lêdixe, dewlet diparêze, Dest nede îradeya min, Jin jiyan azad, dest nede ked, nasname û bedena min’ vekirin. 

Jinên DBP, HDP, Dayikên Aştiyê, aktîvîstên KJA’yê, KESK, TUYAD-DER, Meya-Der, Goç Der, Mal-Per, Navenda Jiyan a Jinan a Rojîn, Kongreya Îslamî ya Demokratîk, ÎHD û KCD’ê daxuyaniyek hevpar dan. Hevseroka DBP’a Wanê Hamiyet Şahîn, Hevseroka HDP’a Wanê Derya Hayva, Hevşaredara Wanê Hatîce Çoban û hevşaredarên navçeyan û bi sedan jin tevlî bûn.

Avesta Işik daxuyanî xwend û diyar ku mixabin wê her tim bi hovîtiya mêran re rû bi rû bên û got: “Ji ber vê yekê şerê me jinan ne bi qedera me bi zîhniyeta reş re ye. Yekane çareya me jinan parastina cewherî ye û rêxistin e. Şert e hemû jin li dijî vê hovîtiyê li ber xwe bidin û bikevin nava piştevaniyê. Bila bê zanîn ku heta jin bê jiyîn wê qîrîna Ozgecan Aslan neyê jibîrkirin.” Piştî daxuyaniyê girseyê dirûşma, ‘Ozgecan Aslan nemire’ berz kir.