Meryem Alsyed Tiyrab a 20 salî, meha borî li eyaleta Nîlê Spî ya Sûdanê ji aliyê polîsan ve hatibû girtin.

Tiyrab got ku wê îtîrazê biryarê kiriye. Piraniya cezayên recimkirinê, bi giranî ji bo jinan, di dadgeha bilind de tên betalkirin.

Navenda Efrîqayê ya Lêkolînên Dad û Aştiyê (ACJPS) ku navenda wê li Uganda ye, ragihand ku ev ceza qanûnên navxweyî û navneteweyî binpê dike û banga "berdana lezgîn û bê şert û merc a Tiyrab kir.”

Navendê diyar kir ku jin bi awayekî adil nayê darizandin û jê re nehat gotin ku agahiyên ku di lêpirsînê de dane wê li dijî wê bên bikaranîn. Nûnertiya hiqûqî ya Tiyrab jî hat redkirin.

Di sala 2020’an de, piştî hilweşandina Omer el-Beşîr, hukûmeta Sûdanê reformên hin qanûnên cezayê yên tundtir û polîtîkayên şerîetê ragihand. Di reforman de recimkirin tune bû, lê di Tebaxê de welat peymana Neteweyên Yekbûyî ya li dijî îşkenceyê erê kir. AJPPS’ê got ku kevirkirin rengekî îşkenceya dewletê ye û erkên mafên mirovan ên welat binpê dike.

Parêzera mafên mirovan Jehanne Henry got ku ev hevok "Ev yek nîşan dide ku qanûnên tund ên şerîetê û cezayên tund hîn jî li Sûdanê têne sepandin."

Herî dawî doza jineke ku ji ber zînayê cezayê recimkirinê lê hat birîn, li eyaleta Kordofan a Başûr di sala 2013'an de bû. Ceza hatibû rakirin.