Rêxistina jinan a Rojavayê Kurdistanê Yekîtiya Star li navçeya Reco ya Efrînê navendeke xwe ya nû vekir.

Yekîtiya Star ji bo vekirina navendeke xwe, li navçeya Reco ya Efrînê merasîmek lidar xist û bi sedan jin tevlî bûn. 

Li merasîmê rêveberiyên Yektîtiya Star, PYD, TEV-DEM û Komeleya Êzidiyan amade bûn û merasîmê bi deqeyeke rêzgirtinê ji bo bîranîna cangoriyan destpê kir. 

Piştre li ser Yekîtiya Star, PYD, TEV DEM û Komeleya Êzidiyan axaftin hatin kirin. Di axaftinan de vekirina navendê hate pîrozkirin û bal hate kişandin ser berxwedana jinên Rojava ya di nava şoreşê de. Her wiha berxwedana Kobanê û bi taybet ya şervanên YPJ'ê hate silavkirin.

Piştî axaftinan navend ji aliyê dayîka têkoşer Dilsoz Efrîn û dayika têkoşer Edhem Efrîn ve hate vekirin. Merasîm bi govend û stranan bi dawî bû.