Li paytexta Fransa Parîsê, mîna her Çarşem îro jî Kurdistaniyan ji bo ronîkirina komkujiya 9'ê Çileyê çalakiya "Em edaletê dixwazin" lidar xistin. 

Meşa ku li ber Akademiya Çand û Hunerê ya Kurdistanê destpê kir, li ber Buroya Enformasyonê ya Kurdistanê ku lê Sakîne Cansiz, Fîdan Dogan û Leyla Şaylemez hatin kuştin, bi dawî bû. 

Li ber Buroya Enformasyonê ya Kurdistanê deqeyek rêz hat girtin. Di çalakiya îro de li ser navê Komîsyona Dayikên Aştiyê ya Meclîsa Jinan a Çîçek Botan a Evry, axaftin hatin kirin.

Di axaftinan de hat destnîşankirin ku heta kujerên Sakîne Cansiz, Fîdan Dogan û Leyla Şaylemez bên ronîkirin, ewê her Çarşemê çalakiyên xwe dewam bikin.

Dûre çalakiya rûniştinê hat lidarxistin.