8'ê Adarê Roja Jinên Kedkar ên Cîhanê li Mala Perwerdeyê ya Şaredariya Sûrê hat pîrozkirin.

Di pîrozbahiya ku malbatên xwendekarên Mal Perwerdeyê lê amade bûn de, endama Meclîsa Şaredariya Sûrê Mujgan Ekin axaftinek kir.

Ekîn da xuyakirin ku têkoşîna jinên Kurd dide meşandin wê şopên kûr li dîroka Kurdan û cîhanê bihêle û destnîşan kir ku jin di hemû warên jiyanê de bi rengînî û cudahiya xwe jiyanê dixemlînin. 

Piştî axaftinan koroya ciwanan a mala çandê ku xebatên xwe di bin banê Şaredariya Sûrê de dimeşîne bi stranên reng da pîrozbahiyê. Zarokan jî li gel malbatên xwe govend gerandin.