Jinên Kurd ên li Komara Adigey a Federasyona Rûsyayê bi armanca 25’ê Mijdarê Roja Têkoşîn û Piştevaniya li Dijî Tundiya li Hemberî Jinan a Cîhanê li hev kom bûn û daxuyaniyek dan çapemeniyê.

Jinên Kurd ên li Komara Adigey a Federasyona Rûsyayê bi armanca 25’ê Mijdarê Roja Têkoşîn û Piştevaniya li Dijî Tundiya li Hemberî Jinan a Cîhanê bi daxuyaniyeke çapemeniyê banga xurtkirina têkoşîna jinan a li dijî tundiyê kir.

Di daxuyaniyê de jinan bal kişandin ser xurtkirina têkoşîna azadiya jinan û  berxwedana jinan a bi pêşengiya jinan li Kobanê û Rojava berdewam dike. Di berdewama daxuyaniyê de hate diyarkirin ku tiştên bi hezaran sal hatin serê jinê, îro bi DAIŞ’ê berdewam dike û wiha hat gotin: “Dixwazin jiyaneke kole û cîhaneke tarî ji bo jinan biafirînin. Lê berevajiyê vê yekê roj bi roj têkoşîna jinan mezin dibe û ber bi azadiyê ve diçe û nêzîk dibe.”

Daxuyanî bi dirûşmên “Bijî Serok Apo”, “Bijî Berxwedana YPJ” û “Jin Jiyan Azadî” bi dawî bû.