Kurdên li Danîmarkayê dijîn, duh êvarê saet di 22:30 de, ji bo raya giştî û medya Danîmarkayê agahdar bikin, ku li hemberî êrîşên nîjadperest ên dewleta Tirk li dijî Kurdan bêdeng in, bi pêşengiya Komeleya Jinên Kurd a Danîmarkayê, avêtin se mezintirîn qenala televîzyonê ya nûçeyan a Danîmarkayê TV2 News û nîv saetê çalakiya rûniştinê pêk anîn.

Çalakgeran di dema çalakiyê de bi rayedarên televîzyonê re hevdîtin kirin, der barê pêvajoya dawî de agahî dan û bêdengiya medya Danîmarkayê rexne kirin. 

Piştî ku TV2 News soz da ku ew ê ji niha û pê ve bêhtir bi baldarî mijarê bişopînin, çalakî bi bêdengî bi dawî bû.

Di vê navberê de roja Şemiyê wê saet di 13:00 de li paytexta Danîmarka Kopenhagenê bi pêşengiya Navenda Civaka Demokratîk a Kurd meşeke girseyî bê lidarxistin. 

Navenda Civaka Demokratîk a Kurdên li Danîmarkayê bang li gel kir, ku dakeve qadan.