Di çarçoveya rêzeçalakiyên ku TAJÊ’ê bi boneya 4’ê Nîsanê rojbûna Rêberê Gelê Kurd Abdullah Ocalan organîzekirî de îro li gundê Hesewîkê ku Ereb in de şitlên daran hatin çandin û daxwaza azadiya fîzîkî ya Ocalan kirin.
Bi nêzîkbûna 4’ê Nîsanê rojbûna Rêberê Gelê Kurd Abdullah Ocalan de li Şengalê bi pêşengiya Tevgera Azadiya Jinên Êzidî (TAJÊ) gelek çalakî û semîner tên lidar xistin. Di vê çerçoveyê de îro li gundê Hesewîk ya herêma Ereban ku dikeve ser sînorê Şengal û Rojavayê Kurdistanê şitlên daran hatin çandin.
Bi qasî 80 şitlên darên zeytûn û heneran ji aliyê jinên Ereb ve hatin çandin. Jinên ku dar diçandin rojbûna Rêberê Gelê Kurd Abdullah Ocalan li hemû gelan pîroz kirin û hêvî û daxwezên xwe yên ji bo azadiya fîzîkî ya Rêberê Gelê Kurd Abdullah Ocalan anîn ziman.
Tevgera Azadiya Jinên Êzidî bi boneya 4’ê Nîsanê û bi armanca ji nû ve avakirina Şengalê bi hezaran şitlên daran li Şengal û gundewarên wê hatin belev kirin.
