Greva destpêkê 14'ê Hezîrana 1991'ê pêk hatibû û nêzî 500 hezar jin tevlî bûbûn.

Beriya wê, 24'ê Cotmeha 1975'an li Îzlandayê greveke bi heman rengî pêk hatibû û 90 ji sedî yê jinan tevlî bûbûn. Jinan 24 saetan dest ji kar berdabûn.

Duyemîn greva giştî ya li Swîsreyê piştî 28 salan tê kirin. Ji rayedarên federal Sîmonetta Sommarûga jî diyar kir ku ew piştgiriyê dide greva giştî.

Li gorî malpera TV5monde, di nava 28 salan de gelek tişt hatibin guhertin jî, di rêwîtiya zor û zehmet a ber bi wekheviyê de ji hêrsa jinan tiştek kêm nebû.

Lê belê di nava 28 salan de jinan qanûnên 'destûra dayiktiyê', 'mafê kurtajê' û 'qanûna wekheviyê' bi dest xistin. Tevî vê yekê jî civak hîn xwedî mejiyê baviksalariyê ye.

Newekheviya muçeteyan bandoreke giran dike. Jinan diyar kirin, li parlamentê nêzîkatiyên bi serweriya mêr hîn jî dewam dikin û ragihandin ku qanûna wekheviyê hîn qels e.

Grev wê 14'ê Hezîrana 2019'an pêk were û tê payin jinên li gelemperiya welêt bersivê bidin banga sendîkayan.

22'ê Îlona 2018'an ji bo wekheviyê çalakiyek hatibû kirin û 20 hezar kes tevlî bûbûn.