Li Wanê têkildarî êrîşa di Meclîsê de ya li hember Parlamenterên HDP’ê Pervîn Buldan û Sebahat Tuncel ji aliyê parlamenterên AKP’ê ve, li ber Navenda Çandê ya Nûda daxuyaniyeke çapemeniyê hat dayîn.

Daxuyanî di pêşengiya  BDP, HDP, Meya-Der, Goç-Der, KCD, Tuyad-Der, Dayikên Aştiyê û TMMOB ve hat dayîn.

Sevgî Eraslan a li ser navê komê daxuyanî da got ku hikûmeta AKP’ê jin avêtiye derveyî jiyanê û hewl dide jinê di nav çar dîwaran de mehkûm bike. Eraslan got, “Em bang li AKP’ê dikin ku dîroka têkoşîna jinan û ya tevayî gelan di ber çavan re derbas bike. Em êrîşa li hember parlamenterên xwe şermezar dikin.”