Jinên Kurd bi aramanca balê bikişînin ser êrîşên çeteyên DAIŞ’ê yên li ser Kantona Kobanê û xwedîderketina li berxwedana Kobanê dê sibê li ber Parlementoya Hollandayê çalakiyeke rûniştinê bidin destpêkirin.

Înîsiyatîfa Jinên Kurd a Hollandayê bi daxuyaniyeke nivîskî got: “Bi armanca şermezarkirina komkujiya ku dewleta Tirk dixwaze li Kobanê li dijî gelê me pêk bîne, weke Tevgera Jinên Kurd a Hollandayê em dê ji sibê û şunde li ber Parlementoya Den Haagê çalakiya rûniştinê bidin destpêkirin.”

Jinan di daxuyaniya xwe de ragihandin ku heta êrîşên li ser Kobanê berdewam bikin, dê çalakiya wan jî berdewam be û bang li her kesî kir ku roja duşemê (sibê) saet di 12.00 de tevlî çalakiyê bibe.

Di dawiya daxuyaniyê de hat gotin: “Roj roja berxwedanê ye. Kurdistan dê bi berxwedana Kobanê azad bibe.”-