Ji bo şervana MLKP’ê Ivana Hoffman a li Kantona Cizîrê ya Rojava di operasyona li hemberî çeteyên DAIŞ’ê de jiyana xwe ji dest da, li bajarê Duîsburg ê Elmanyayê ku merasîmek tê lidarxistin, bi hezaran kes beşdar bûn, merasîm bi meşekê destpê kir.  

Merasîma ji bo şervana MLKP’ê Ivana Hoffman (Avaşîn Têkoşîn Guneş) a li Kantona Cizîrê ya Rojava di operasyona li hemberî çeteyên DAIŞ’ê de jiyana xwe ji dest da, bi meşeke tevlîbûna hezaran kesî destpê kir. Di merasîma ku ji aliyê SKB, Jina Nû û TJK-E ve tê organîzekirin, Hevseroka Giştî ya HDP’ê Fîgen Yuksekdag, Hevserokê PYD’ê Salih Muslim di serî de gelek nûnerên saziyên civaka demokratîk ên Elman û çepên Tirkiyeyî beşdar bûn.

Piştî meş û merasîmê wê cenazeyê Hoffmann, li goristana ku leşkerên Artêşa Sor ên di Duyemîn Şerê Cîhanê de li hember Naziyan şer kiribûn lê ne bê veşartin.