Şoreşgerên Kurd Sakîne Cansiz, Fîdan Dogan û Leyla Şaylemez ên di 9'ê Çileya 2013'an de li Parîsê hatin qetilkirin li bajarê Gavle yê Swêdê hatin bîranîn.

Nivîskara Swêdî Anna Jorgensdotter di civînê de axivî û bi bîr xist ku yek ji damezrînera PKK'ê Sakîne Cansiz û hevrêyên wê ji aliyê MÎT a Tirk ve hatin qetilkirin.

Jorgensdotter jiyan û têkoşîna Cansiz bi bîr xist û got, "Divê em ji bîr nekin ku têkoşîna jinan a li dijî sîstema baviksalarî û kapîtalîzmê navneteweyî ye... Li dijî faşîzm û zordariyê divê em piştevaniya xwişkên xwe bikin."

Piştî axaftinê fîlmê 'Sara' yê li ser jiyan û têkoşîna Sakîne Cansiz hate nîşandan.