Jinên Kurd, Çerkez, Tirk, Boşnak ên ku tevlî çalakiya nobetê ya Wijdan û Dadmendiyê ya HDP’ê ya Îzmîrê Bûne gotin ji bilî berxwedanê rêyeke dî nîn e û çalakiya nobetê ji bo berxwedana li dijî faşîzmê zemîneke girîng e. Jinên Boşnak, Kurt, Tirk û Çerkez Semra Uzunok, Hayat Îzgu, Aynora Ermîş û Pervîn Rollas Ertem gotin ji bo demokrasî û yekîtiya gelan hemû jin bila roja Înê werin Meydana Gundogdu.

 ‘LI DIJÎ FAŞÎZMA AKP’Ê JIN LI MEYDANA GUNDOGDU NE’

Semra Uzunok a Boşnak got tevlêbûna li nobeta ku li Meydana Gundogduyê didome wê li dijî bêdadmendiya dewletê bibe berxwedan.

Uzunok diyar kir roja Înê jin wê li Gundogduyê werin cem hev û bang li hemû jinên Îzmîrî kir.

 ‘JINÊN KU ÊN LI ÎZMÎRÊ BER BI QADÊ VE..’

Hayat Îzgu a Kurd ku tevlî çalakiya nobetê bûyî got, li Îzmîrê bi sed hezaran jinên Kurd hene û got divê jinên Kurd pêşengiya nobeta li Îzmîrê bikin. Îzgu got jinên Kurd divê bi hevgirtina bi hemû jinên Îzmîrê re werin Meydana Gundogduyê û got, ‘Em li benda hemû jinan in, bi taybetî jî roja Înê em li bendê ne ku werin qadê.’’

 ‘JINÊN TIRK DIVÊ TEVLÎ NOBETÊ BIBIN’

Aynora Ermîş a Tirk û Îzmîrî jî wiha got: ‘’Ez li malê nerûniştim û ez jina Tirk li dijî faşîzma li vî welatî ji hatim çalakiya nobetê û destekê didim. Ez dixwazim jinên Tirk tevlî çalakiya nobetê bibin û destekê bidine çalakiyê.’’

 ‘EZ JI BO AŞTÎ Û DADMENDIYÊ LI VIR IM’

Pervîn Rollas Ertem a Çerkez jî got  ji bo dadmendî û aştiyê adrêsa herî rast çalakiya nobetê ya HDP’ê ye û got bêyî ku cihêtiya nîjadî were kirin hemû jin divê tevlî nav çalakiya nobetê bibin û ev pir girîng e.