Li navçeyeke Mêrdînê Î.Y. (18) tecawizî zarokeke 14 salî kiribû.

Piştî ku zarokê ev tişt ji malbata xwe re got, giliyê êrîşkar hate kirin.

Î.Y. ê tecawizkar hate destgîrkirin û di telefona wî de dîmenê tecawizê hate dîtin. Î.Y. di îfadeyên xwe yên li emniyet û dozgeriyê li xwe mikur hat ku wî tecawizî zarokê kiriye.

Tecawizkar di parêznameya xwe ya li Hakimtiya Cezayê Sulhê li xwe mikur hat û îddîa kir ku ‘ev tişt dilê keçikê jî bûye’. Hakîmtiyê bi şertê ku hefteyekê carekê îmzeyê bide, Î.Y. serbest berda.

Malbata zaroka keç û dozgeriyê îtîrazî berdana Î.Y. dan û serî li dadgeheke bilindtir dan.