Gerîlaya PKK'ê Gulnaz Karataş (Bêrîtan) ku 25'ê Cotmeha 1992'an li Başûrê Kurdistanê şehîd bûbû, ji aliyê jinên Kurd ve li paytexta Rûsya Moskowê hate bibîranîn.

Bernameya bîranînê li mala Kurd a Moskowê çêbû. Jinên Kurd rista çalakiya Bêrîtan a ji bo têkoşîna azadiyê ya Kurd destnîşan kirin.

Di civînê de Seroka Organîzasyona Jinên Kurd a Moskowê-Viyan Tara Qadir û endama PAJK'ê Medya Cûdî axivîn. Qadir got, Bêrîtan di dîroka Kurdan de xwedî cihekî girîng e û bi çalakiya ku Bêrîtan kirî, derbeke giran li xeta îxanetê hatiye xistin.

Medya Cûdî jî got, Bêrîtan giyanê berxwedêr ê jina Kurd veguherendiya ser çalakiyê û diyar kir, "Jinên Kurd ti caran radestî xeta noker û îxanetê nebûne."