Koordînasyona Jinê ya Rêveberiya Xweseriya Demokratîk, der barê şervana YPJ'ê Avesta Xabûr li ku Efrînê li dijî artêşa Tirk a dagirker çalakiya fedayî pêk anî, daxuyaniyeke nivîskî weşand.

Daxuyaniya Kordînasyonê wiha ye: "Careke din jinên kurd li Rojava isbat kirin ku ew sembola rûmeta hemû mirovahiyê ne.

Duh bû Arîn Mîrkan li Kobanê û îro Avesta Xabûr li Efrînê berxwedana dîrokî nîşan dan. Deweleta Tirk û çeteyên wê ku li pêş çavên hemû cîhanê û bêdengiya civaka navneteweyî, bi hemû cûreyên çekan êrîşî Efrînê dike. Lehenga me Avesta çalakiyek fedayî li dijî alavên kuştinê yên Tirkiyê lidar xist û bi xwîna xwe efsaneyên lehengî û fedekariyê nivîsandin. Ji hemû cîhan re isbat kirin ku ti hêz naghêje hêza eşqa jinan ji xak û azadiya xwe re.

Berxwedan mîrateya jinên Sûriyeyê ya ji bo jiyana bi rumet e. Artêşa Tirk çiqasî êrîşên xwe dijwar bike, wê nikaribe armancên xwe pêk bîne û îradeya jinan a ji bo pêkanîna azadiyê rawestîne.

Em wekî Koordînsayona Jinan a Rêveberiya Xweser di destpêkê de sersaxiyê ji xwe re û hemû jinên chan ji bo şehadeta qehremana me Avesta Xabûr dixwazin. Di heman demê de em bejna xwe li ber berxwedana wan ditewînin. Her wiha em bang li civaka navdewletî û hemû rêxistinê mafên mirovan û hiqûqî û insanî dikin ku di zûtirîn demê de destwerdanê bikin da ku êrîşa hovana ya dijminane ya dewleta Tirk li ser Efrînê rawestîne. Em wan ji êrîşa li ser Efrînê û komkujiyên li dijî gelê me yên Efrînê li ser destê Artêşa Tirk a dagirker û hevkarên wan tê, berpirsyar dibînin."