Li bajarê Leverkûsenê yê Elmanyayê ji bo protestokirina qirkirina li ser jinan çalakiyek hate lidarxistin. Çalakî li pêşiya Rathaûs Galerîe hate lidarxistin û pankartên ‘Qirkirina li ser jinan bidin sekinandin’, ‘Em li dijî şîddetê ne’ hatin berzkirin.

MAÎNZ

Meclîsa Jinan a Viyanê jî li pêşiya HBF’ê çalakiyek li dar xist. Di çalakiyê de peyama ‘Cînayetên li ser jinan polîtîk e û sîstematîk e’ hate dayîn.

KOPENHAG

Li Kopenhagê ya ku paytexta Danîmarkayê ye, jin li ser Rêya Nytîrvê kom bûn û dovîzên ‘Şîddeta li ser jinan bisekinîn’, ‘Şîddeta li ser jinan polîtîk e’  hildan. Çalakgerên alayên TJK-E’yê û pankartên şîddeta li ser jinê şermezar dike, hildan.

BASEL

Li bajarê Baselê yê Swîsreyê jî jin li dijî şîddetê daketin qadan. Çalakî ji aliyê Meclîsa Jinan a Ronahî hate organîzekirin û portreyên jinan li parkan hatin daliqandin.

Di çalakiyê de portreya Gulistan Dokû ya li Dêrsimê hate windakirin, Zeynep Celalîyan a ji aliyê rejîma Îranê hatibû dîlgirtin û Çîçek Kobanê ya ku dewleta Tirk ew dîl girtibû,  hate daliqandin.