Bi wesîleya 8'ê Adarê roja Jinên Kedkar ên Cîhanê li bajarê Elmanya Bonnê şevek hat lidarxistin.

Şev ji aliyê Meclîsa Jinê ya Sara ya Bonnê ve hat organîzekirin û bi sedan ji beşdar bûn.

Li dû deqeyeke rêzgirtinê ji berdevkên Meclîsa Jinê ya Sara Sevda Turkmen axaftina vekirinê kir û 8'ê Adarê li hemû jinên berxwedêr pîroz kir.

Di şevê de nûnerên SPD û Die Linke jî amade bû û Alîkara Serokê Şaredariya Meckenheimê û lis er navê SPD'ê axaftin hatin kirin.

Li ser navê TJKE jî Gonul Kaya peyivî û got, "Ez 8'ê Adarê li hemû jinan pîroz dikim. Beriya her tiştî afînerê azadiyê Rêberê Gelê Kurd Birêz Abdullah Ocalan silav dikim. Sara, Rojbîn, Ronahî, Arîn, Sîbel Bûlût û hemû cangoriyên şoreşê silav dikim."

Kara di dewama axaftina xwe de diyar kir ku jinên Kurd bi Bêrîvan, Rahşan, Zekiye, Bêrîtan, Zîlan û Arîn Mîrxan re têkoşîna zadiyê derxistine asta herî bilind, bûne temînata şoreşa jinê û got, "8'ê Adarê bi serketina Kobanê re gihaştiye asta azadiya jinê. Divê em 8'ê Adarê bikin her roj û bi vî rengî bersivê bidin şehîdên xwe yên mezin."

Di şevê de koma jinê Dengê Xwezayê, Şengul Pak û Kewê derketin ser dikê û hunera xwe pêşkêş kirin.