Îradeya gel a ku di du demên dawî de li navçeya Milazgîr a Mûşê hate desteserkirin, di hilbijartinên 31’ê Adarê de ji nû ve hat stendin. Li navçeyê tevî hemû rêbazên qirêj û sextekar ên hikûmeta AKP/MHP'ê jî gel li dora DEM Partiyê li hev kom bûn û şaredarî careke din bi dest xistin. Li gorî 'konsepta polîtîkaya neteweyî' ya dewleta Tirk û li navçeya ku weke deriyê Anatoliya Tirkan tê dîtin, hikûmeta AKP'ê hemû derfetên dewletê seferber kir. Bi desteserkirina şaredariyê ji bo du serdeman hewl da ku navçeyê bike sembola cihekî nijadperest û neteweperest. Ji bo ku cudahiya dengan di navbera wan û DEM Partiyê de beriya hilbijartinan derxînin, li seranserê Kurdistanê pratîka sexte û neqanûnî ya dengdêran pêk anîn. Tevî hilbijêrên îlegal ên ji derveyî navçeyê anîn jî, bi berxwedana gel ser ket. Gel li dijî îtîrazên li YSK’ê û hîleyên qirêj ên ku hatibûn plankirin heta derengiya şevê li avahiya DEM Partiyê man.

‘LI DIJÎ YÊN KU KURDAN TUNE DIHESIBÎNIN SERKEFTIN’

Gel li ber def, zirne û govendan serkeftina xwe pîroz dike. Hevşaredar Ahmet Kenan Turker ku beşdarî pîrozbahiyê bû jî got ku, "Tevî zextên mezin, tevî hilbijêrên ku ji derve hatin sewqkirin jî, gelê me destûr neda ku vîna wan bê desteserkirin. Gel got ku êdî Kurd wê dengê xwe bilind bikin. Li vir em ê heta dawiyê vîna xwe biparêzin."

Hevşaredar Gulistan Ozel diyar kir ku îradeya gel a 8 salan hatiye desteserkirin bi têkoşîneke mezin paş ve hatiye paşxistin û got, "Ev ne tenê hilbijartina şaredariyan bû, li hemberî kesên ku îradeya têkoşîneke mezin tê meşandin. Em û nasnameya xwe paşguh kirin. Em bi ser ketin, Milazgîr bi ser ketin, jin û ciwanên Milazgîr bi ser ketin. Niha jî em ê bi gel re ji o hemû pirsgirêkan li çareseriyê bigerin.”