Namzetên DEM Partiyê yên Rihayê xebatên hilbijartinê didomînin
Li Rihayê namzetên hevşaredariyê yên DEM Partiyê beriya hilbijartinên xwecihî lez dan xebatên xwe.
Li Rihayê namzetên hevşaredariyê yên DEM Partiyê beriya hilbijartinên xwecihî lez dan xebatên xwe.
Namzetên DEM Partiyê yên Rihayê ji navenda bajêr heta taxên herî dûr bi hilbijêran re dicivin, li pirsgirêkan guhdarî dikin û polîtîkayên partiyê vedibêjin.
BAJARÊ MEZIN
Namzetên hevşaredariyê yên Bajarê Mezin ê Rihayê Celalettîn Erkmen û Gulşen Ozer esnafên navçeyên Eyyûbiye û Halîliyê ziyaret kirin.
KARAKOPRU
Namzetê hevşaredariyê yê navçeya Karakopruyê Ridvan Yavuz dema ku li taxa Atakentê esnaf ziyaret kir, Rezzan Ayhan jî ji taxên din piştgirî xwest.
XELFETÎ
Namzetên hevşaredariyê yên Xelfetiyê Saniye Bayram û Mehmet Karayilan li taxa Goganê bi esnaf û welatiyan re hatin cem hev.
PIRSÛS
Namzetên hevşaredariyê yên Pirsûsê Ayten Kaya û Muslum Baran li navenda navçeyê û taxan daxwaza piştgiriyê kirin.
WÊRANŞAR
Namzetên hevşaredariyê Bedriye Yorgun û Serhat Dîcle Înan serdana bazara heywanan û esnafên siteya galeriyê kirin.
SERÊKANIYÊ
Li navçeya Serêkaniyê namzetên hevşaredariyê Rahşan Yazar û Ugur Kahraman piştî serdana mal û nexweşan esnafan ziyaret kirin.
SÊWEREG
Li navçeya Sêweregê namzetên hevşaredariyê Yildiz Çetîner û Alî Dusak serdana esnafên li navendê kirin.
BÊRECÛK
Namzetên hevşaredariyê yên Bêrecûkê Mehmet Begît û Bêrîvan Îlkaya Manaz çûn serdana taxan, bi hilbijêran re hatin cem hev û şaredarvaniya DEM Partiyê dan nasîn.