Gelek parlamenterên Meclîsa Parlamenteran a Konseya Ewropayê çalakî lidar xistin û destek dan Leyla Guven ku li dijî tecrîdkirina Rêberê Gelê Kurd Abdullah Ocalan di greva birçîbûnê ya bêdawî û bêdorveger de ye.
Bi wesîleya rûniştinên Meclîsa Parlamenteran a Konseya Ewropayê (MPKE) 20 parlamenterên Koma Yekîtiya Çep a Ewropayê (GUE-UEL) li avahiya Konseya Ewropayê ya li Strasboûrgê hatin cem hev û xwedî li Leyla Guven derketin. Parlamenteran bal kişandin ser rewşa krîtîk a tenduristiya Guven û xwestin, Guven bê berdan û daxwaza wê ya ji bo rakirina tecrîdê bi cih were anîn.
Wekîlên HDP'ê yên ku ji bo rûniştinên MPKE'yê li Strasboûrgê ne, tevlî çalakiya parlamenteran bûn.
Parlamenteran dowîzên bi nivîsa "Azadî ji Leyla Guven re", "Bes e ji tecrîdê re, azadî ji Leyla re", "û "Leyla Guven di greva birçîbûnê de ye: Roja 75'an" hildan. Parlamenteran ji bo Leyla Guven banga xwedîderketinê kirin.
Parlamenterên tevlî çalakiyê bûn: Andrej Hunko (Die Linke), Tim Kox (Partiya Sosyalîst a Hollandayê û Serokê Koma GUE), Henk Overbeek (Hollanda, Partiya Sosyalîst), Rosa Björk Brynjolfsdottir (Îzlanda), Nicolini Marco (San Marino), Ulla Sandbaek (Danîmarka, The Alternativet), Violeta Tomic (Slovenya, Levica), George Loucaides (Qibrsi, AKEL), Miren Edurne Gorrochategui Azurmendi (Spanya, Podemos), Paul Gavan (Îrlanda, Sinn Pein), Ertûgrûl Kurkçu, Feleknas Ûca, Hişyar Ozsoy, Dundar Pero (HDP).
