Sê şervanên enternasyonalîst ên YPG’ê li Lorîentê hatin bibîranîn
Li bajarê Lorîent yê Fransayê sê şervanên enternasyonalîst ên YPG’ê hatin bibîranîn.
Li bajarê Lorîent yê Fransayê sê şervanên enternasyonalîst ên YPG’ê hatin bibîranîn.
Kendal Breîzh, Baran Galîcîa û Baran Sason ên ku di têkoşîna li dijî DAÎŞ’ê de şer kiribûn li bajarê Lorîentê hatin bibîranîn.
Baran Galicia (Samuel Prada Leon) û Kendal Breizh (Olivier Le Clainche) di 10’ê Sibata 2018’an de di êrîşên dewleta Tirk a dagirker de şehîd bûn. Baran Sason (Sjoerd Heeger) ê ji Hollandayê jî di Tîrmeha 2017’an de dema li dijî DAÎŞ’ê têdikoşiya şehîd bûbû.
Hevserokê Navenda Civakî ya Kurdan a Demokratîk a Rennesê Fehmî Kaplan, Hevberdevka Meclîsa Jinan a Rennesê Eylema Balta û Rêveberê Komeleya Dostanîya Yewnanistan-Bretonyayê Rîcoû Herve axivîn.
Kaplan û Eylem diyar kirin ku nirxên şoreşa ku gelên Bakur û Rojhilatê Sûriyeyê bi xwîn û keda xwe ava kirine, duçarî êrîşên dagirker bûne. Rêveberên Kurd ev şoreşgerên enternasyonalîst bi bîr anîn.
Herve jî diyar kir ku a niha bi hezaran penaber li ser sînorê Yewnanistan û Tirkiyeyê ne û Tirkiye li dijî penaberan siyaseteke lîncê bi rê ve dibe.
Hevalên Kendal Breîzh jî qala bîranînên xwe yên bi wî re kirin.