Li Zurîhê piştgiriya kampanyaya şandina qertan û li Tubingenê 4’ê Nîsanê hat pîrozkirin
Ciwanên TCŞ û TekoJIN'ê li Zurîhê li ser bangawaziyê hatin gel hev û ji bo Rêberê Gelê Kurd Abdullah Ocalan qert şandin. Li Tubingenê 4’ê Nîsanê hat pîrozkirin.
Ciwanên TCŞ û TekoJIN'ê li Zurîhê li ser bangawaziyê hatin gel hev û ji bo Rêberê Gelê Kurd Abdullah Ocalan qert şandin. Li Tubingenê 4’ê Nîsanê hat pîrozkirin.
Tevgera Ciwanên Şoreşger (TCŞ) û TekoJIN (Jinên Ciwanên Tekoşer) di çarçoveya pêngava "Ji Abdullah Ocalan re azadî, ji pirsgirêka Kurd re çareserî” li bajarê Zurîh ê Swîsreyê, qert şandin Îmraliyê. Li bajarê Tubingen ê Elmanyayê, endamên TekoJIN’ê ji bo pîrozkirina rojbûna Rêberê Gelê Kurd Abdullah Ocalan pankart daliqandin.
ZURÎH
Ciwanan ji bo Abdullah Ocalan ê 37 meh in di êşkenceya Îmraliyê de dîl hatiye girtin û 37 meh in agahî jê nayê girtin, qert şandin Îmraliyê û tecrîd şermezar kirin. Ciwanan destnîşan kirin ku heta azadiya fizîkî ya Rêber Apo azad pêk bê dê li qadan têbikoşin. Ciwanan bang li hemû ciwanên Kurdistanê kirin ku li qadan têbikoşin.
TUBINGEN
Li bajarê Tubingen ê Elmanyayê, endamên TekoJIN'ê ji bo pîrozkirina rojbûna RÊberê Gelê Kurd Abdullah Ocalan pankarta "Jiyana Bi Jinê Destpê Dike, Bi Wê Re Jî BI Ser Dikeve" li ser pira li kolana herî qelebalix a bajêr daliqandin.
Ciwanan li vir daxuyanî dan û gotin, “Rojbûna Rêber Apo jinûve zayîna jina azad e. Bi paradîgmaya demokratîk, ekolojîk û azadiya jinê ya Rêber Apo, jin xwe gihandiye rastiya xwe.”
Jinên ciwan piştre bi nivîsa "Jin Jiyan Azadî, Ser Bixe Azadî" daliqandin.