Êzidiyên ku di 3'ê Tebaxa 2014'an de li Şengalê di êrişa çeteyên DAÎŞ'ê de hatin qetilkirin, li bajarê Stuttgart ê Elmanyayê di salvegera 10'emîn a qirkirinê de hatin bîranîn. Çalakiya bîranînê bi pêşengiya Komuna Jinê ya Meryem hate lidarxistin û bi deqeyeke rêzgirtinê jib o bîranîna qurbaniyên qirkirinê û şehîdên Têkoşîna Azadiyê ya Kurdistanê destpê kir.

Çalakiya li Konigstrasseyê ku kolana herî qelebalix a Stuttgartê ye bi beşdariya gelek Kurdistanî û dostên wan pêk hat. Di çalakiyê de pankart û wêneyên ji dema qirkirinê hatin hildan.

Jinên ku tevlî çalakiyê bûn nerazîbûn nîşanî qirkirinê dan û berxwedana YPG û YPJ'ê silav kirin.

Di çalakiya bîranînê de li ser qirkirinê şano hate nîşandan.