Rêxistinên Tevgerên Ciwanên Kurd di çarçoveya pêngava “Ji Abdullah Ocalan re azadî, ji pirsgirêka Kurd re çareseriya siyasî“ li bajarê Den Haag ê Hollandayê hatin ba hev. Endamên Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) tevlî meşê bûn.

Meş ji qada Carnegîepleîn hat Konsolosxaneya Elmanyayê berdewam kir. Di meşê alên Rêberê Gelê Kurd Abdullah Ocalan û PKK’ê hatin hildan.

Di meşê de timî dirûşmeyên “Bijî Serok Apo”, “PKK gel e, gel li vire“ û “Bê Serok jiyan nabe” hatin berzkirin.

Ciwanan li ber Konsolosxaneya Elmanya bi zimanê Ingilîzî û Hollandî daxuyanî xwend.

Ciwanan meşa li Berlînê ya li dijî qedexeya PKK’ê silav kir û durûtiya welatên Ewropayê protestokirin.