Ceballos diyar kir, rewşa tenduristiyê ya Hevseroka KCD'ê Leyla Guven ku 76 roj in di greva birçîbûnê ya bêdawî û bêdorveger de ye, cihê metirsiyê ye.

Ceballos peyamek bi dîmen weşand û got, "Eger weke ku Tirkiye îdîa dike, dewleteke demokrasî û hiqûqê bûya, wê pêwîstî bi greva te ya birçîbûnê nebûya. Eger demokrasî hebûya, tu yê ne li girtîgehê bûya û karê xwe yê parlamenteriyê bikira. Wê pêwîstî pê nebûya ku tu ji bo rakirina tecrîdkirina Abdullah Ocalan têbikoşe. Di nava demokrasiyê de girtî dikarin bi parêzer û malbata xwe re hevdîtinê bikin. Li Tirkiyeyê demokrasî nîne. Ji ber vê yekê têkoşîna te mecbûrî ye. Ez ji ber tenduristiya te bi fikar im."