Çalakiya nobeda Azadî ji Ocalan re ya li pêşiya avahiya Konseya Ewropayê ya Strasboûrga Fransayê, bi tevlêbûnên nû didome. Vê çalakiya nobedê ketiye hefteya 400’î û koma ji bajarê Montpellîerê ya Fransayê ev nobed wergirtine. Di vê komê de Cevat Guneş, Azad Şirnex, Haydar Çewlik û Bakî Alça hene.

Li ser navê komê Cevat Guneş diyar kir ku komploya navneteweyî ya li dijî Rêberê Gelê Kurd Abdullah Ocalan rojeke reş e û ji bo xwedîlêderketina Ocalan Kurd li her dera dinyayê têdikoşin.

Guneş bal kişand ser vî tiştî ku gelê Kurd 8 sal vê çalakiyê didomîne û got ku, “Bila kes ji me nexwaze ku em Rêbertîya xwe ji bîr bikin. Em ê her dem girêdayî Rêbertîya xwe bin.”

Çalakiya Nobeda Azadî ji Ocalan re di 25’ê Hezîrana 2012’an de dest pê kiribû. Li qada çalakiyê avahiyên Dadgeha Mafên Mirovan a Ewropayê, Komîteya Pêşîlêgirtina Êşkenceyê (CPT) û Parlementoya Ewropayê heye.