Çalakiya nobedê ku ji bo azadiya Rêber Apo li bajarê Strasbourg ê Fransayê tê lidarxistin di hefteya 651'ê de ye.

Çalakgerên vê hefteyê 3 welatparêz; Hanîfî Keklîk, Denîz Erkilinç û Asmîn Sila Ozkaytan e. Berdevkê komê Hanîfî Keklîk daxuyaniyek da û got, "Em zanin ku ji bo rakirina tecrîda li ser Rêberê me Parlamenta Ewropa û CPT wezîfeya xwe bi cih nînin. Weke gelê Kurd em li Ewropayê û hemû herêmên Kurdistanê balê dikişînin ser vê mijarê. Em hişyariyê didin dewleta Tirk; gelê Kurd ê ku sed sal in hûn wan qir dikin, qetil dikin ti carî serî netewandiye, wê serî netewîne."

IŞARET BI DAGIRKERÎ Û QIRKERIYÊ HATE KIRIN

Çalakgeran her wiha bang li Parlamenta Ewropayê, Konseya Ewropayê kirin, bal kişandin ser komkujiya li Rojava û gotin, "Gef li têkoşîna jiyana bi hev re ya gelê Kurd, Ermen û Xiristiyan tê xwarin. Li ber çavên mirovan komkujî tê kirin. YPG û YPJ li Ewropayê weke rêxistina terorê nayên dîtin, dewleta Tirk a faşîst weke rêxistina terorê dibîne."