Di asta navneteweyî de peyamên ji bo azadiya Rêberê Gelê Kurd Abdullah Ocalan dewam dikin.

Serokê Konfederasyona Sendîkayan a Dundee ya Skoçyayê Mike Arnott xwediyên xelata Nobelê silav kir ku li ber tecrîdkirina Rêberê Gelê Kurd Abdullah Ocalan rabûn û xwest, tecrîda li Îmraliyê tavilê bi dawî bibe.

Arnott bersiv da pirsên rojnamevan Erem Kansoy ê ji Medya Haberê û got, "Ji bo misogeriya aştiyê, azadiya Abdullah Ocalan şert e."

Arnott got, "Ev kesayet gelekî girîng in, navên ku cîhanê ew pejirandine rabûn ser piyan û daxwaza azadiya Ocalan kirin û xwestin, meseleya rejîma Tirk bi hevdîtina bi PKK'ê re meseleya Kurd çareser bike. 69 xwediyên xelata Nobelê jî bi rengekî rasteqînî û mantiqî zanin ku rûniştina li dora maseya diyalogê ya PKK û dewleta Tirk bêyî Ocalan nabe. Haya xwe ji nasname û rola bêhempa ya Ocalan heye. Ji bo çareseriya pirsgirêka Kurd bêyî misogerkirina azadiya Ocalan gaveke bi tenê jî nikare bê avêtin. Li dora maseyeke gengaz a diyalogê, Ocalan yekane nûnerê gelê Kurd e. Ocalan yekane kesayet e ku pêvajoyeke gengaz a aştiyê dibîne û ji bo karibe li dora vê maseyê rûnê divê tavilê bê berdan."

Arnott got, "Li tevahiya cîhanê têkildarî rewşa Ocalan êdî mirov xwedî agahî ne. Haya her kesî ji qîmet û girîngiya rêbertiya wî heye. Paradîgmaya wî ya demokratîk, ekolojîk û azadîparêziya jinê ji tevahiya înîsiyatîfên şoreşger û pêşverû re bûye çavkaniya sûdwergirtinê. Li tevahiya cîhanê bûye çavkaniya sûdwergirtinê ji polîtîkayên demokratîk, şoreşger û radîkal re. Ji bo çareseriya aştiyane ya pirsgirêka Kurd Ocalan kesayetê diyarker e."