Wînîarskî got, ''Mirina Ebûbekir el Bexdadî derbarê hîlekariya Tirkiyê tiştekî dibêje'' û têkiliya dewleta Tirk û DAÎŞ'ê û komên din ên çeteyan da ber pirsan.

Wînîarskî got dîtina  Bexdadî ya li Idlibê gelek pispor şaş kirine û got sedema wê jî ew e ku Idlib ne di destê DAÎŞ'ê de bûye lê bi kontrola dewleta Tirk û çeteyên wê bûye.

Wînîarskî got hevalbendê Tirkiyê Tahrîr el-Şam a bi El Qaîde re têkildar raqibên çeteyên DAÎŞ'ê ne û got, ''Sedema ku lîderê Dewleta Îslamê li Idlibê bû, dibe ku ji ber wê be ku êdî li rojhilata xwe ewle nedîtibe. Ev jî hîlekriya hikûmta Tirk a di şerê Sûriyê de nîşan dide. Bi salan Tirkiye ji bo komên cîhadî û şervanên Dewleta Îslamê welatê jêderbasbûnê bû. Carinan jî bi agahî û alîkariya hêzên ewlehiyê yên Tirk.''

Wînîarskî got dema ku mirov hebûna Tirkiyê ya li Idlibê bide ber çavan ne bi aqilê mirov nakeve ku haya hikûmeta Erdogan jê nebe ku lîderê DAÎŞ'ê Bexdadî li Idlibê be.