Ji bo rakirina tecrîda li ser Rêberê Gelê Kurd Abdullah Ocalan bi pêşengiya Hevseroka KCD’ê û parlementera HDP’ê Leyla Guven çalakiya greva birçîbûnê ya bêdawî û bêdorveger hatibû destpêkirin.

Li bajarê Strasboûrgê yê Fransayê jî 14 çalakgeran di 17’ê Kanûna 2018’an dest bi greva birçîbûnê ya bêdawî û bêdorveger kiribûn. Çalakî di roja 132’an de didome.

Tendirustiya çalakgeran di asteke krîtîk de ye. Çalakger di nav nivînan de çalakiya xwe didomînin.

Malbata çalakger Agît Ûral û Yuksel Koç ên ku li Elmanyayê dijîn, îro hatin serdana çalakgeran.

Tamara Ûral a ku keça Agît Ûral e û Gulê Koç a ku hevjîna Yuksel Koç e ji ANF’ê re axivîn û xwestin bila gelê Kurd xwedî li çalakiyê derkevin.