Zeynep Kinaci (Zîlan) ku sala 1996’an li Dersimê çalakiya fedayî pêk anîbû, li bajarê Lavrîo yê Yewnanistanê hate bibîranîn. Li kampa Lavrîo yê wêneyê şehîd Zîlan, Ocalan û alayên PKK’ê hate daliqadin. Merasîm ji bo bîranîna şehîdên têkoşîna azadiyê bi deqîqeyek rêzgirtinê destpê kir.

Ji aliyê endamên Meclîsa Gel a Yewnanistanê ve axaftin hatin kirin û hate gotin ku xeta berxwedanê ya şehîd Zîlan ji aliyê jinên Kurd ve tê domandin. Di merasîmê de bê navber dirûşmeya ‘Şehîd Namirin’ hate berzkirin. Nameya Zîlan a beriya çalakiyê nivîsandibû hate xwendin. Piştre ji aliyê jinan ve helbest hate xwendin.

Merasîm bi nîşandana sînevîzyona ku qala têkoşîna jina Kurd dike bidawî bû.