Bi pêşengiya ciwanên Kurd li bajarê Toronto yê Kanadayê Newroz hat pîrozkirin. Ciwan li Navenda Civaka Kurd a Demokratîk li hev civiyan û bi fîşekên hewayî û pêxistina agir Newroz pîroz kirin. Pîrozbahî bi deqeyek rêzgirtinê destpê kir û bênavber dirûşmên "Bijî Serok Apo" hatin berzkirin.

Li ser navê Meclîsa Gel a Kurd axaftin hat kirin û hat diyarkirin ku gelê Kurd li ku derê cîhanê dibe bila bibe her tim nirxên xwe diparêze. Di axaftinê de Rêber Apo hat silavkirin û wiha hat gotin, "Paradîgmaya Rêber Apo bi me da hînkirin ku Newroz rêya şiyarbûn, serhildan, berxwedan û serketinê ye. Azadiya Rêber Apo azadiya me hemûyan e." Di axaftinê de hat destnîşankirin ku ew ê xwedî li banga Rêber Apo derkevin.

Pîrozbahiya Newrozê ya navendî ya li Kanadayê wê di 23'ê Adarê de bê lidarxistin.

Agahiyên der barê pîrozbahiya navendî de wiha ne;
Dîrok: 23’ê Adara 2025 
Saet: 15:00 (li gorî dema Torontoyê)
Navnîşan: 2638 Steeles Ave. E. Brampton-Toronto