Li Swîsre Kurd ji bo Ocalan di nava çalakiyan de ne
Piştî banga lezgîn a KCDK-E û TJK-E’yê Kurdistanî li Swîsreyê daketin qadan û daxwaza hevdîtinê ya li gel Rêberê Gelê Kurd Abdullah Ocalan kirin û xwestin tavilê parêzer û malbat biçin Îmralî.
Li bajarên Bern, Basel û Zurîh ên Swîsreyê Kurdistanî daketin qadan.
BERN
Tevgera Ciwanên Şoreşger ên li Bahnofplatz a paytexta Swîsre Bernê daketin qadan posterên Rêberê Gelê Kurd Abdullah Ocalan hildan û pankarta ‘Azadiya Ocalan, azadiya mirovahiyê ye’ hildan, daxwaza azadiya Rêberê Gelê Kurd Abdullah Ocalan kirin.
BASEL
Kurdistaniyên li pêşiya avahiya Parlementoya Kantona Baselê kom bûn, mîtîngek kirin. Kurdistaniyan di mîtînê de daxwaza azadiya Rêberê Gelê Kurd Abdullah Ocalan kirin. Kurdistaniyan bêdengiya dewletên Ewropa ya li hember tecrîdê jî protesto kirin.
ZURÎH
Li Staûfacher a Zurîhê jî bi heman armancê çalakiyek li navenda bajar hate kirin û daxwaza azadî û agahhiyek ji rewşa tenduristî ya Ocalan bigirin.
