ZURÎH

Li Zurîhê ya Swîsreyê partî û saziyên Kurdistanî bi banga ‘Ji bo têkbirina dagirkeriyê, em yekîtiya neteweyî ava bikin’ meşek lidarxistin. Di meşê de ji bo yekîtiya neteweyî bang hate kirin.

Di meşê de belavokên bi Elmanî hatin belavkirin û firotina çekan a ji bo Tirkiyeyê hate protestokirin.

Li ser navê CDK-Swîsre, ÎDGB, Yekîtiya Asûr û Siryanan û KPP’ê axaftin hate kirin.

STRASBOÛRG

Li bajarê Strasboûrgê jî daxuyaniyek hate dayin.

Li pêşiya Gara Strasboûrgê girse kom bû û daxuyaniya çapemeniyê hate xwendin.

DUSSELDORF

Li bajarê Dusseldorfê yê Elmanyayê jî li pêşiya DGB Haûsê saet di 14.00’an de Kurdistanî hatin ba hev û bi banga yekîtiya neteweyî meşek li dar xistin.

Girseyê wêneyên qetlîama li Til Rifatê û qetlîama li Rojhilat hildan û alayên YPG, YPJ û TJK-E’yê hildan.

Li ser navê TEV-ÇAND’ê Xelîl Xemgîn jî axivî û diyar kir ku dema yekîtiya neteweyî  ya gelê Kurd hatiye.

SAARBRUCKEN

Li bajarê Saarbruckenê yê Elmanyayê jî ji bo pêkanîna yekîtiya neteweyî û prostesokirina qetlîama dewleta Tirk a li dijî Rojava mîtîngek hate lidarxistin.

Girseyê bênavber sloganên ‘Erdoganê terorîst’, ‘Tirkiyeya terorîst’ û ‘Gelê Kurd yek e’ berz kir.