Çalakvanên ku li pêşiya parlementoyê stand vekirin, ji bo balê bibin ser rewşa Rêberê Gelê Kurd Abdullah Ocalan bi sedan danezan û borşurên ku biyografiya wî tê de hebûn belavkirin.

Çalakvanên ku ji bo lêkolînkirina tecrîda girankirî ya li ser Abdullah Ocalan, daxwaza avakirina komîteya ad-hoc a di bin sîwana AKPM’ê de kirin û bang li Komîteya Hiqûqê ya Konseya Ewropayê kirin.

Çalakvanan ev peyam dan, “Divê destûr bê dayîn ku Rêberê Gelê Kurd Abdullah Ocalan bi parêzer û malbata xwe re hevdîtinê bike û di bin şert û mercên ku bikaribe li Tirkiyeyê ji bo çareseriyeke siyasî ya demokratîk rol bilîze de were berdan.”

Çalakiya ku 5 saetan dewam kir, ji bo protestokirina êrîşên li ser çanda Kurd bi gerandina govendê bi dawî bû.