Li bajarê Elmanya Salzgîtterê ji bo şaredarî û rojnameyên xwecihî dosya hate dayîn, li Marîngan a Marsîlyayê jî ciwanan meşiyan. Greva birçîbûnê ya li bajarê Elmanya Kasselê jî didome.

SALZGÎTTER

Li bajarê Elmanya Salzgîtterê komeke jin ên endamê Meclîsa Jinan a Berçem Cîlo dosyayek dan şaredarî û çapemeniya xwecihî.

Di civîna bi rayedarên şaredariyê de hate gotin ku wê ji nêz ve çalakiyên greva biçrîbûnê bişopînin û naveroka dosyeyê bikin rojev.

Piştre jinan serdana rojnameyên xwecihî kirin.

KASSEL

Greva birçîbûnê ya bêdawî-dorveger a li bajarê Elmanya Kasselê ya Kurdistaniyan di roja 4’an de ye. Endamên sazî û desteyên cûda serdana çalakgerên grevê dikin. Parlamenterê Koa Çepgir a Parlamentoya Eyaleta Hessen a Elmanyayê Throsten Felstehaûsen serdana çalakgerên greva birçîbûnê kir û piştgirî da çalakiyê.

Felstehaûsen got; “Çalakiya we pîroz e, hûn ê bi berxwedanê serbikevin.”

MARSILYA

Li bajarê Fransa Marsîlyayê endamên Tevgera Ciwanên Şoreşger ji bo balê bikêşin li ser berxwedana çalakgerên greva birçîbûnê çalakî kirin.

Di çalakiyê de bêdengiya li dijî berxwedêrên greva birçîbûnê hate protesto kirin û ciwanan wêneyên Ocalan û alên PKK’ê hildan. Di çalakiyê de dirûşmeyên “Bijî Serok Apo” û “Bê Serok jiyan nabe” hate berz kirin.

BORDEAÛX

Li bajarê Fransa Bordeaûxê jî endamên Tevgera Ciwanên Şoreşger bi çalakiya bêîteatiya sivîl balkişand li ser berxwedana çalakgerên greva birçîbûnê.

Çalakî li Cadeya Saînte_Catherîne hate kirin û belavok hatin belav kirin.

Di çalakiyê de ciwanan dirûşmeyên “Ji Ocalan re azadî” û “Kujer Erdgoan, hevkar CPT” hate berz kirin.